ОРХОН АЙМГИЙН БАЯН-ӨНДӨР СУМЫН ИРГЭДИЙН ТӨЛӨӨЛӨГЧДИЙН ХУРАЛ
2016 оны Сумын ИТХ-ын 7 дахь удаагийн сонгуулиар нийт 31 Төлөөлөгч сонгогдож, үүнээс МАН-аас 26, АН-5 Төлөөлөгч тус тус сонгогдсон. Сумын ИТХ-ын даргаар Б.Баасансүрэн, Нарийн бичгийн даргаар З.Эрдэнээ нар ажиллаж байна.
Сумын ИТХ-ын ээлжит хуралдааныг 5 удаа зохин байгуулан сум орон нутгийн хөгжлийг тодорхойлсон олон чухал шийдвэр гарган хэрэгжилтэд нь хяналт тавин ажиллаж байна.
ИТХ-ын Тэргүүлэгчдийн хурлыг 23 удаа хуралдуулж 63 тогтоол гарган биелэлт тооцсон болно.Хурлын хуралдаанаас 26, тэргүүлэгчдийн хуралдаанаас 63 тогтоол үүнээс нийтээр дагаж мөрдүүлэхээр 2 тогтоол гарган хэрэгжүүлж байна.
www.bayan-undur.orkhon.khural.mn цахим хуудас байнгын ажиллагаатай явагдаж хурлын үйл ажиллагаа, тэргүүлэгчид, төлөөлөгчдийн танилцуулга, хороодын ажлыг мэдээлэн иргэд түгээхээр ажиллаж байна.
Сумын ИТХ-ын хуралдаанаас чухал шийдвэрүүд гарган хэрэгжиж байна
Сумын ИТХ-ын II хуралдаанаар Сумын Засаг даргын 2016-2020 оны үйл ажиллагааны хөтөлбөр 9 бүлэг 106 зүйл бүхий сумын хөгжил дэвшил урагшлуулах цогц хөтөлбөр баталсан. Мөн хуралдаанаар Сумын Засаг даргын 2016-2020 оны үйл ажиллагааны төлөвлөгөөг батлан холбогдох албан тушаалтанд үүрэг өгөн ажиллав.
Сумын ИТХ-ын III хуралдаанаар Баян-Өндөр сумын эдийн засаг, нийгмийг 2017 онд хөгжүүлэх үндсэн чиглэлийг боловсруулан баталж сумынхаа иргэд ард түмний сайн сайхан амьдралд хөтөлсөн бодлогыг тодорхойлов. 2017 онд хэрэгжүүлэх хөтөлбөр төсөл арга хэмжээг ОНХС-гийн 1,8 тэрбум төгрөгийн хөрөнгөөр гүйцэтгэхээр 84 ажлын жагсаалтыг батлан гүйцэтгэлд хяналт тавьж байна.2017 оны сумын газар зохион байгуулалтын төлөвлөгөөг батлан иргэнд гэр бүлийн хэрэгцээний зориулалтаар 2 байршилд 320 өрхөд 24 га газрыг эзэмшүүлэхээр, 14 байршилд 792 өрхөд 57,51 га газрыг өмчлүүлэхээр тусгасан. Цаашид газар олголтыг үр дүнтэй, чирэгдэлгүй ил тод болгохоор төлөөлөгчид олон зөв санал дэвшүүлэн хэрэгжүүлэн ажиллахаар болсон.
Сумын ИТХ-ын IV хуралдаанаар Баян-Өндөр сумын нутаг дэвсгэрт нийтийн бие засах газар ажиллуулахад мөрдөх журам батлан нийтээр даган мөрдөж их хотын соёлтой үйлчилгээг бий болохоор боллоо.Сумын ИТХ-ын V хуралдаанаар Баян-Өндөр сумын “Сум хөгжүүлэх сангийн тэргүүлэх чиглэл, дотоод журмыг шинэчлэн батлав. Жижиг дунд үйлдвэрлэл үйлчилгээг эрхэлдэг иргэд аж ахуйн нэгжийн хүсэн хүлээдэг сум хөгжүүлэх сангийн зээл болон дотоод журамд маш нухацтай хандан иргэдэд чирэгдэлгүй, оновчтой хүртээмжтэй байлгах талаар анхаарч өмнөх журмыг засан сайжруулсан үүний үр дүнд олон ажлын байр бий болж, өрх бүр үйлдвэрлэгч болж ашиг орлоготой болгоход онцгой анхаарав.
ИТХ-ын үйл ажиллагааны салшгүй нэгж хороод
Сумын ИТХ 6 хороод байгуулан үйл ажиллагааг жигдрүүлээд байна. Хороодыг шинэчлэн дараах чиглэлээр байгуулав.
1 Эрх зүй нутгийн удирдлагын хөгжлийн хороо / Дарга ИТХ-ын төлөөлөгч Э.Эрдэнэбат/
2 Нийгмийн бодлогын хөгжлийн хороо / Дарга ИТХ-ын төлөөлөгч П.Ганзориг/
3 Эдийн засаг, үйлдвэрлэлийн хөгжлийн хороо /Дарга ИТХ-ын төлөөлөгч Б.Цолмон/
4 Төсөв санхүүгийн хөгжлийн хороо /Дарга ИТХ-ын төлөөлөгч С.Эрдэнэцогт/
5 Байгаль орчин, хөдөө аж ахуйн хөгжлийн хороо /Дарга ИТХ-ын төлөөлөгч О.Мөнх-Од/
6 Дэд бүтэц, хот байгуулалтын , гэр хорооллын хөгжлийн хороо /Дарга ИТХ-ын төлөөлөгч Ц.Шинэбаяр/
Хороод 2016 оны ОНХС-ийн гүйцэтгэлийн ажилд ажлын хэсэг байгуулан шалгалт хяналт зохион байгуулав. Ажлын хэсэг богино хугацаанд маш үр дүнтэй ажиллан иргэдийн санал хүсэлтийг сонсон алдаа дутагдал, гүйцэтгэлийн чанарт дүгнэлт гарган холбогдох албан тушаалтан, байгууллагад хугацаатай үүрэг даалгавар өгч хяналт хийж байна. ОНХС-ын хөрөнгө оруулалтыг чанаржуулах, иргэдийн оролцоо хяналт, үр ашгийг нэмэгдүүлэхэд сумын ИТХ-ын зүгээс ажлын шат болгонд ажллын хэсэг байгуулж хяналтыг сайжруулахаар төлөвлөн ажиллаж байна.Сумын ИТХ-аас Төлөөлөгчид, төрийн албан хаагчдаа байнга дэмжих болно
Баян-Өндөр сумын төрийн албан хаагчдын эрүүл мэндэд анхаарал хандуулан 2017 оноос эхлэн сумын ИТХ-ын даргын нэрэмжит гар бөмбөгийн шилжин явах цомын тэмцээн зохион байгуулагдахаар боллоо. Анхдугаар тэмцээн “Эв нэгдэл” уриан дор нийт 10 багийн 80 гаруй төрийн албан хаагч тамирчид хурд хүчээ сорьж спортоор хичээллэн сайхан болж өнгөрсөн. Тэмцээний онцлог нь сумын ИТХ-ын төлөөлөгчид багийн ажилтан албан хаагч нартай нэгдэж нэг болсноор бие биенээ таньж мэдэх харилцан ойлголцох, нэг баг болж гар нийлүүлэн цаашид хамтран ажиллахад ихээхэн урам, арга эвийг харуулсан тэмцээн болсон.Сайн үйлсийн аян
Сумын ИТХ-ын дарга, Тэргүүлэгчид санаачлан Монгол түмний уламжлалт цагаан сараар сайн үйлсийн аян зохион байгуулж 10 багийн 10 иргэнд Монголын тогооч нарын холбооны Орхон аймгийн салбар зөвлөлийн 8 компани, аж ахуй нэгжтэй хамтран сэтгэлийн дэв өглөө. Энэхүү арга хэмжээ цаашид зөвхөн баяр ёслол гэлтгүй байнга хийгдэж сумынхаа нэг ч болов өрх айл, иргэнд аз жаргал бэлэглэхэд чиглэх болно. Бид бүгдийн сайн үйлсийн аянд нэгдэн туслалцаа үзүүлсэн компани аж ахуй нэгжүүддээ дахин баярласнаа илэрхийлж байна.Баян-Өндөр сумын ГХУСАЗСЗ шинэ бүрэлдэхүүнтэй хуралдлаа
Сумын ГХУСАЗСЗөвлөл нь 2017 оны 02 сарын 15-ны өдөр шинэ бүтэц бүрэлдэхүүнтэй анхдугаар хурал хийлээ. Хурлаар 2017 оны ажлын төлөвлөгөө болон цаг үеийн бусад асуудлыг хэлэлцэн шийдвэрлэсэн байна.2017 оны ГХУСАЗСЗ-өөс хийх ажлын төлөвлөгөөнд 5 хэрэгжүүлэх арга хэмжээг тусган, гишүүдийн ажил үүргийн хуваарь батлан шинэ оны ажилдаа орлоо.
Баян-Өндөр сумын ГХУСАЗСЗ-өөс 2017 оныг "Хүүхдийг гэмт хэргээс хамгаалах" жил болгон зорилт дэвшүүлэн Монгол улсын ирээдүй болсон үр хүүхдүүдээ гэмт хэргээс хамгаалах, гэр бүлийн аливаа хүчирхийлэл, гэмт хэрэгт уруу татагдахаас урьдчилан сэргийлж гэрэлт ирээдүйн төлөө ажиллаж байна.