Монгол улсын ЗГ-ын хэрэг эрхлэх газрын дэргэдэх Удирдлагын Академийн Удирдахуйн ухааны сургуулийн Төрийн захиргаа менежментийн ангийн төгсөх IV курсийн 32 оюутан, Б.Батжаргал багшийн хамтаар 2015-10-23-ны өдөр Орхон аймгийн “ЭРДЭНЭТ ҮЙЛДВЭР” ХХК, “ЭРДЭНЭТ ХИВС” ХК зэрэг аж ахуй нэгж танилцаад дараагаар нь Баян-Өндөр сумын  ИТХ, ЗДТГ-ын үйл ажиллагаатай танилцлаа. Багш, оюутнуудыг ЗДТГ-ын дарга М.Эрдэнэчимэг, Иргэний танхим, хэвлэл мэдээлэл хариуцсан ажилтан С.Бат-Эрдэнэ нар хүлээн авч уулзан Баян-Өндөр суман ИТХ, ЗДТГ-ын бүтэц зохион байгуулалт болон сүүлийн жилүүдэд сум орон нутагт хийгдсэн томоохон бүтээн байгуулалтын ажлыг танилцууллаа. Мөн оюутнууд төрийн албаны талаар өөрийн сонирхсон асуултаа асууж хариулт авлаа.