Ардчилсан
үндсэн хууль батлалцаж байсан АИХ-ын депутатуудын төлөөлөл Орхон аймагт цуглаж
Үндсэн хуульд оруулах нэмэлт өөрчлөлтийн талаар санал бодлоо илэрхийллээ. 6
сарын 2-нд Орхон аймгийн Нутгийн удирдлагын ордонд болсон “Ардчилсан үндсэн
хууль-Иргэдийн санал оролцоо” сэдэвт энэ зөвлөгөөнд Орхон, Дархан-Уул, Төв,
Булган, Дундговь, Баянхонгор аймгаас сонгогдсон АИХ-ын депутатууд, Орхон
аймгийн ИТХ-ын дарга, төлөөлөгчид болон иргэдийн төлөөлөл оролцсон юм. Баян-Өндөр сумаас ИТХ-ын дарга
Н.Жаргалсайхан, Тэргүүлэгч П.Баянмөнх, төлөөлөгч Я. Тунгалаг нар оролцлоо.
Зөвлөгөөнд
Аймгийн ИТХ-ын дарга Б.Мягмарсүрэн “Үндсэн хуулийн үзэл баримтлал- Нутгийн
өөрөө удирдах байгууллага” сэдвээр, Эрдэнэт хотын АДХ-ын гүйцэтгэх захиргааны
дарга асан, АИХ-ын депутат Д.Тогооч “Хотын статусыг үндсэн хуулийн нэмэлтэд
оруулах үндэслэл, шаардлага” сэдвээр, Ардчилсан үндсэн хууль тогтоогчдын
холбооны гүйцэтгэх захирал, АИХ-ын депутат Д.Мандах “Үндсэн хуулийн нэмэлтэд
оруулах санал дүгнэлт” сэдвээр илтгэл тавьж хэлэлцүүлсэн.
Мөн зөвлөгөөнд оролцогчид Үндсэн хуульд оруулах нэмэлт өөрчлөлт, Улсын зэрэглэлтэй хотуудыг бий болгох, Эрдэнэт, Дархан хотуудын статусыг сэргээх асуудлаар үг хэлж тодорхой саналууд гаргалаа.
