Баян-Өндөр сумын багуудын Иргэдийн Нийтийн хурал өнгөрөгч Бямба гарагт боллоо. Тус хурлаар багуудын ажлын албаны 2014 онд хийсэн ажлын тайланг хэлэлцэж бүх багуудад иргэд “Хангалттай” гэсэн үнэлгээ өгөв. 2014 онд багуудад ОНХС-н хөрөнгөөр багагүй бүтээн байгуулалтын ажил хийгдсэнд иргэдэд талархалтай байлаа. Мөн Өрхийн эрүүл мэндийн төвүүд, Цагдаагийн хэсгүүд ажлын тайлангаа тавьж иргэд “Хангалттай” гэж  дүгнэлээ. Хурлын үеэр иргэдээс гарсан санал хүсэлт, тулгамдаж буй асуудлыг 2015 оны ажлын төлөвлөгөөндөө тусгаж ажиллахаа ч багийн Засаг дарга нар илэрхийлсэн.