Баян-Өндөр сумын Орон нутгийн хөгжлийн сангийн хөрөнгөөр 2025 онд хэрэгжүүлсэн ажил, бүтээн байгуулалтын үйл ажиллагаанд сумын иргэдийн Төлөөлөгчдийн Хурлын Эрх зүй, нутгийн удирдлагын хөгжлийн хорооны хяналт, шалгалтын ажил гурав дахь өдрөө үргэлжилж байна.

Хяналт шалгалтын хүрээнд тухайн онд хэрэгжсэн хөрөнгө оруулалтын ажлуудын хэрэгжилт, чанар, үр дүн, төсвийн зарцуулалт болон иргэдэд үзүүлж буй бодит үр өгөөжтэй газар дээр нь танилцаж, холбогдох байгууллага, гүйцэтгэгч нартай хамтран ажиллаж байна.

Энэхүү шалгалт нь орон нутгийн хөгжлийн сангийн хөрөнгийг үр ашигтай, ил тод, хариуцлагатай зарцуулах, иргэдийн ая тухтай орчин нөхцөлийг бүрдүүлэхэд чиглэж байгаа юм.