Баян-Өндөр сумын ИТХ-ын санаачилгаар хэрэгжүүлж буй "СУРАЛЦАГЧ ХОТ" хөтөлбөрийн хүрээнд HWPL энх тайван найрамдлын олон улсын байгууллага, Орхон аймгийн Насан туршийн суралцахуйн төвтэй хамтран “Энх тайвны соёл – Хамтдаа энх тайванд хүрэх зам” кампанит ажлыг өнөөдөр зохион байгууллаа. Дээрх ажлыг HWPL энх тайван найрамдлын олон улсын байгууллага нь энх тайван, тогтвортой нийгмийн үнэт зүйлсийг Монгол орон даяар түгээн дэлгэрүүлэх зорилгоор эхлүүлсэн бөгөөд тус аяны хүрээнд ЕБС-ийн 100 хүүхэд болон эцэг, эхийн төлөөлөлд зориулан хувь хүний хөгжил, эерэг хандлага, ёс зүйн сэдэвт сургалтыг зохион байгууллаа. Нээлтийн арга хэмжээнд Баян-Өндөр сумын ИТХ-ын дарга Э.Эрдэнэбат оролцож, нийгмийн сайн сайхны төлөөх санаачилгыг орон нутагт хэрэгжүүлж байгаад талархал илэрхийлж, дээрх үйл ажиллагаанд амжилт хүссэн юм. Мөн Баян-Өндөр сумын багийн Засаг дарга нар болон нийгмийн ажилтнууд арга хэмжээний зохион байгуулалтад идэвхтэй оролцож, хамтран ажиллалаа.