Баян-Өндөр сумын нийт 21 багийн ИНХ-ын дарга нарын ээлжит шуурхай хурал уламжлалт ёсоор 2018 оны 05-р сарын 01-ны өдөр боллоо.

Сар бүрийн эхний долоо хоногийн 2 дахь өдөр болдог багийн ИНХ-ын дарга нарын шуурхай хурал болж 21 багийн ИНХ-ын дарга нар өнгөрсөн сарын ажлын тайлан болон ирэх сарын ажлын төлөвлөгөө танилцуулан ажлын туршлага, санал бодлоо солилцон хуралдав.

Энэ удаагийн ээлжит шуурхай хуралдааны онцлог нь Жаргалант сумын багуудын ИНХ-ын дарга нартай хамтран Жаргалант суманд зохион байгуулагдсан явдал юм. Хоёр сумын багийн ИНХ-ын дарга нар харилцан мэдээлэл солилцон Жаргалант сумын Жаргалант багийн үйл ажиллагаатай танилцан, туршлагаа хуваалцсан сайхан арга хэмжээ боллоо. Хурал, уулзалтуудаас багийн ИНХ-ын дарга нар олон оновчтой санал гарган ажил хэрэг болгож ажиллахаар ажлын төлөвлөгөөндөө оруулан тусгав. 

Жаргалант сумын ИТХ-ын дарга Г.Баттогтох, Нарийн бичгийн дарга Т.Энхжаргал нар ИНХ-ын дарга нарыг хүлээн авч Жаргалант сумын цаг үеийн ажлууд цаашид хийж хэрэгжүүлэх үйл ажиллагааны чиглэл хэтийн зорилгоо танилцуулан халуун дотно яриа өрнүүллээ.  

Сумын Засаг дарга Б.Зоригтбаяр, сумын ЗДТГ-ын нийт ажилтан албан хаагчид Баян-Өндөр сумын ИНХ-ын дарга нарт хүндэтгэл үзүүлэн ЗДТГ-тай танилцуулан, 2018 оныхоо их бүтээн байгуулалтын талаар мэдээлэл өгөв. Жаргалант сумын түүхт 40 жилийн ой 2018 онд тохиож байгаатай холбогдуулан сумын ИТХ, ЗДТГ-ын зүгээс өрнүүн ажил, их бүтээн байгуулалтаар ойгоо угтахаар нийт  ажилтан албан хаагчид ард иргэд зүтгэл гарган хичээн зүтгэж байгаа нь маш ихээр бахархал төрүүлсэн.