Орхон аймгийн Баян-Өндөр сум, Жаргалант сумын нийт багуудын ИНХ-ын дарга, тэргүүлэгч нарын дунд "Иргэний танхимуудын үйл ажиллагааг идэвхжүүлэх нь" сэдэвт уулзалт хэлэлцүүлэг 2018 оны 04 сарын 25 өдөр амжилттай зохион байгуулагдав. 

Аймгийн ИТХ, Баян-Өндөр сумын ИТХ, Жаргалант сумын ИТХ хамтран тус арга хэмжээг зохион байгуулж нийт 24 багийн ИНХ-ын дарга, тэргүүлэгч оролцон олон талт мэдээлэл солилцсон уулзалт хэлэлцүүлэг болов. 

Уулзалтаар багуудын "Иргэний танхим"-ын үйл ажиллагааг жигдрүүлэх, нээлттэй хүртээмжтэй болгоход юуг анхаарах, цаашид ямар арга хэмжээг зохион байгуулах талаар ярилцан хэлэлцэв.

Орхон аймгийн "Багийн хөгжлийг дэмжих дэд хөтөлбөр"-т тулгуурлан багуудын ИНХ-ыг чадваржуулах, багуудын "Иргэний танхим"-ын хэвийн үйл ажиллагааг дэмжин шаардлагатай бүхий л талаар дэмжин ажиллах болно гэдгийн хэлэлцүүлгийн явцад Орхон аймгийн ИТХ дарга П.Пүрэвлхагва онцлон тэмдэглэв. 

Баян-Өндөр сумын ИТХ-аас 2017 онд багуудын "Иргэний танхим"-ыг бэхжүүлэхэд шаардлагатай зарим тоног төхөөрөмжийг ОНХС-с 64,5 сая төгрөгийн санхүүжилт хийгдсэн бол 2018 онд мөн зарим багуудын "Иргэний танхим"-д шаардлагатай хөрөнгө оруулалтын 55 сая төгрөгийг төсөвт суулган ОНХС-аар эхний ажлууд хийгдэж эхэлсэн байгааг Баян-Өндөр сумын ИТХ-ын дарга Б.Баасансүрэн уулзалтад танилцуулав.

Уулзалт хэлэлцүүлэгт аймгийн ИТХ-ын Нарийн бичгийн дарга Д.Эрдэнэцэцэг, аймгийн хурлын даргын зөвлөх Ш.Ганбат, Баян-Өндөр сумын ИТХ-ын Нарийн бичгийн дарга З.Эрдэнээ, Жаргалант сумын ИТХ-ын Нарийн бичгийн дарга Т.Энхжаргал, аймгийн төрийн захиргааны удирдлагын хэлтсийн дарга Ш.Ганболд болон бусад холбогдох шатны мэргэжилтэн албан тушаалтнууд оролцов.